Inflation tumaas sa unang tatlong buwan ng taong 2017

TUMAAS ang inflation sa unang tatlong buwan ng taong 2017 at nakamtan ang 3.2% mula sa naganap noong huling tatlong buwan ng 2016 na umabot lamang sa 2.5%. Sa likod ng pangyayaring ito, sinabi ng Bangko Sentral ng Pilipinas na nananatili ang inflation sa National Government target range na 3.0% ± 1 percentage point para sa buong taon. Maaaring naganap ito sa pagkakaroon ng bahagyang kakulangan ng food supply at pagtaas ng presyo ng petrolyo at kuryente. Ang core inflation ay tumaas sa 2.7% sa unang tatlong buwan ng 2017 mula sa 2.5% sa nakalipas na quarter. Dalawa sa tatlong alternative core inflation measures ng Bangko Sentral ng Pilipinas ay nabatid ring tumaas.

Ang domestic economy ay nananatiling metatag sapagkat ang real gross domestic product at tumaas ng 6.6% sa huling tatlong buwan ng 2016 kaya't ang growth sa buong taon ay umabot sa 6.8%. Nakatulong sa pagpapatatag ng ekonomiya ang gastos ng pamahalaan at paglalabas ng mga produktong gawa sa Pilipinas. Sa larangan ng produksyon, ang anumang paglago ay napalabnaw ng pagbaba ng sector ng pagsasaka at mas mabagal na kaunlaran sa industriya. Matatag ang ekonomiya sapagkat tuloy ang bili ng mga sasakyan ng mga Filipino samantalang ang Composite Purchasing Managers' Index ay mas mataas sa 50%.

Sinabi pa rin ng Bangko Sentral ng Pilipinas na gumaganda ang ekonomiya sa Estados unidos, sa Japan at Tsina samantalang bumagal ang kaunlaran sa euro area, India at ASEAN. Positibo rin ang pananaw ng International Monetary Fund sa global growth rate ayon sa mga economic activity indicators.