Estados Unidos, nababahala sa mga pagpatay sa Pilipinas
SA balitang mula sa Washington, sinabi ng America na nabababahala sila sa pagdami ng mga napapatay na kanilang tinaguriang extra judicial killings sa kampanya ni Pangulong Duterte laban sa illegal drugs. Nanawagan ang America sa Pilipinas na ipatupad ang pangakong gagawa ng pagsisiyasat.
Aabot na sa 9,000 katao na karamiha'y gumagamit ng droga at small-time dealers ang napapatay mula ng maupo si Pangulong Duterte sa Malacanang. Nangako si G. Duterte na walang humpay ang kampanya laban sa droga.
Sa datos ng Philippine National Police hanggang ika-30 ng Marso, ang mga lehitimong operasyon ng pulisya ay nagtapos sa 2,600 napapaslang na drug personalities. Mayroon ding 6,000 mga napaslang na sinisiyasat pa. Ayon sa pulisya, may ikatlong bahagi ng mga napaslang ang napatay dahil sa pagtatangka sa buhay ng mga autoridad. Ayon sa mga human rights group, two-thirds naman ay kagagawan ng mga pulis na nagpapakilalang mga bayarang "vigilantes."
Sinabi ni Patrick Murphy, US Deputy Assistant Secretary of State for Southeast Asia na bagama't nakikiisa ang America sa layunin ni G. Duterte na wakasan ang salot ng illegal drugs, nababahala silang may mga kumikilos ng labag sa batas at tunay na nakababahala ang extrajudicial killings.
Nailabas ng Reuters ang kanilang ulat na nagsasabing may mga pulis na binayaran ng kanilang tanggapan upang pumatay ng mga taong sangkot umano sa illegal drug trade.
1 2 3 4
