|
||||||||
|
||
Sa larangan ng Kalakal, Mighty Corporation, nahaharap sa mga kasong kriminal
AABOT sa higit sa P 27 bilyon ang nararapat bayaran ng Mighty Corporation, isang korporasyong gumagawa ng sigarilyong nabatid na gumagamit ng mga palsipikadong internal revenue stamps. Ito ang lumabas sa paunang pagsusuring ginawa ng Bureau of Internal Revenue o BIR.
Ayon kay Commissioner Ceasar Dulay, ang P9.5 bilyong usaping laban sa Mighty Corporation noong nakalipas na buwan ay para lamang sa isang bodegang nasa San Simon, Pampanga na nagtatago ng may 60,000 master cases ng iba't ibang uri ng sigarilyong may palsipikadong mga selyo. Hindi pa kasama rito ang pagsalakay at inspeksyong ginawa sa General Santos City at sa Bulacan.
Sa pagsusuri sa kanilang natagpuang mga produktong may palsipikadong mga selyo sa Bulacan ay maaaring tatlong ulit ang laki sa nadiskubre sa Pampanga. Tanging basic assessment at penalty lamang ang pinagbasehan ng pagsusuri, dagdag pa ni G. Dulay sa panayam.
Sa General Santos City naman nila natagpuan ang may 18,000 master cases ng Mighty Cigarettes na may palsipikadong mga selyo samantalang sa Bulacan ay kinabibilangan ng may 160,000 master cases.
© China Radio International.CRI. All Rights Reserved. 16A Shijingshan Road, Beijing, China. 100040 |