|
||||||||
|
||
Bagong Arsobispo ng Lipa, itinalaga
NAPUNO ang Katedral ni San Sebastian sa Lipa City kaninang umaga sa pagtatalaga kay Monsignor Gilbert Garcera bilang ika-walong Arsobispo ng Lipa. Hinalinhan ni Arsobispo Garcera si Arsobispo Ramon Cabrera Arguelles na nagretiro noong nakalipas na ikalawangaraw ng Pebrero.
Pinamunuan ni Papal Nuncio to the Philippines Archbishop Gionvanni Pinto ang rito ng pagtatalaga. Sinaksihan ang okasyon nina Cotabato Archbishop Orlando B. Cardinal Quevedo, Cebu Archbishop Emeritus Ricardo J. Cardinal Vidal at Manila Archbishop Emeritus Gaudencio B. Cardinal Rosales at may halos 50 mga obispo mula sa Luzon, Visayas at Mindanao.
Sa kanyang homiliya, sinabi ni Lingayen-Dagupan Archbishop Socrates B. Villegas na ang mga Obispo ay tinatawagan ng Simbahang Katolika na maghandang mamatay sapagkat maraming hamong kinakailangang harapin.
Nagaganap ang mga makabagong paraan ng pagpatay sa pamamagitan ng mga daliri hindi sa gatilyo ng baril kungdi sa mga keyboard ng computer at mobile phones upang magkalat ng walang katotohanang mga akusasyon, paninira at kasinungalinan.
Nanawagan siya kay Arsobispo Garcera na maging handing mamatay samantalang naninindigan sa ngalan ng katotohanan. Ikinalungkot din ni Arsobispo Villegas na mga nagsasabing mga Kristiyano rin ang nasa likod ng mga walang katuturang paninira.
Hindi umano "separation of the Church and State" ang nais ng mga taong ito kungdi ang tuluyang pagkakalayo ng tao sa Panginoon, dagdag pa ni Arsobispo Villegas.
© China Radio International.CRI. All Rights Reserved. 16A Shijingshan Road, Beijing, China. 100040 |