|
||||||||
|
||
Kontrobersyal na akusado, pinawalang-sala
BINALIKTAD ng Court of Appeals ang hatol sa sinasabing pork barrel scam mastermind na si Janet Napoles sa kasong serious illegal detention na kinasasangkutan ng kanyang alalay at kamag-anak na si Benhur Luy.
Sa desisyong may petsang ikalima ng Mayo, sinabi ng 12th Division ng Court of Appeals na pinagbigyan nila ang hiling ni Gng. Napoles kaya't nawalang bisa ang hatol ng Makati City Regional Trial Corut Branch 150.
Ang petisyon ni Napoles ay suportado ng Office of the Solicitor General na nagparating noong Enero ng manifestation in lieu of rejoinder na nagrerekomenda ng pagpapawalang-sala sa usaping serious illegal detention. Wala umanong kasunduang naganap sa pagitan ng solicitor general at ni Gng. Napoles.
Mananatili pa siyang napipiit sapagkat nahaharap siya sa kasong plunder at graft sa Sandiganbayan sa diumano'y maling paggasta sa Priority Development Assistance Fund.
© China Radio International.CRI. All Rights Reserved. 16A Shijingshan Road, Beijing, China. 100040 |