Amb. Jimi: Mga kasunduang pangkooperasyon ng Pilipinas at Tsina, magdadala ng tangible benefits

2023-04-06 11:12:08  CMG
Share with:


“ (Ang pagdalaw ni Pangulong Marcos Jr. sa Tsina ay) nagbunga naman ng 14 na agreement na nakalinya sa ating pambansang programa. Kumbaga, iyon talaga ang kailangan natin, agrikultura, energy, lalo na clean energy, infrastructure, at saka, interconnectivity din.”

 

Ito ang sinabi ni Jaime “Ka Jimi” FlorCruz, Embahador ng Pilipinas sa Tsina kaugnay ng 14 na kasunduang pangkooperasyon na pinirmahan ng dalawang bansa sa dalaw pang-estado sa Tsina ni Pangulong Ferdinand “Bongbong” R. Marcos Jr. nitong nagdaang Enero, sa eksklusibong panayam sa Serbisyo Filipino, China Media Group (SF-CMG), Marso 3, 2023.

 

Gusto aniyang magdala ang Pilipinas, sa pamamagitan ng mga kasunduang pangkooperasyon, ng mga proyekto na popondohan ng Tsina, o joint venture ng dalawang bansa sa mga larangang gaya ng imprastruktura, enerhiya at agrikultura, upang paramihin ang trabaho para sa mga Pilipino at palawakin ang investment ng Tsina sa Pilipinas.

 

 

Kaugnay ng pagtutulak sa naturang mga kasunduan, inilahad ni Embahador FlorCruz na, sa panig ng Pilipinas, humihingi si Pangulo Marcos Jr. ng tracking na periodic, every three months o four months, para makita kung ano ang progreso doon sa mga proyekto.

 

“Hindi sabi-sabi lang, hindi pirma-pirma lang, hindi photo-op lang, kundi dalhin natin talaga sa Pilipinas para kung mangyari ang mga iyon, puwede nating sabihin sa ating mga kababayan, oh, eto, eto ang magandang benepisyo na idinudulot ng magandang relasyon ng dalawang bansa,” dagdag pa ni Ka Jimi.

 

Inaasam aniya niyang magkasamang isusulong ng dalawang bansa ang naturang 14 na agreement, para maging katotohanan ang mga ito.

 

Ulat: Kulas

Patnugot sa website: Kulas

Mga tanong: Sissi/Kulas/Jade

Panayam: Rhio

Cameramen: Deng Botao/Zhao Zhiqiang/Gong Ziyang

Light: Han Peng

Audio: Yang Guohui

Patnugot sa video: Qin Lei/Kulas/Jade

Transcription at pagsalin sa panayam: Sissi/Kulas/Jade

Espesyal na pasasalamat kina Liang Shuang, Tai Linzhen, Yuanqi