Mga bansang Aprikano, pinasalamatan ang Tsina sa ipinagkaloob na materyal-medikal kontra COVID-19

Sa pamamagitan ng Organization of African First Ladies for Development, ipinagkaloob kamakailan ng Tsina sa 53 bansang Aprikano ang mga materyal-medikal upang tulungan ang mga kababaihan at kabataan sa paglaban sa Coronavirus Disease 2019 (COVID-19).

 

Dumalo sa mga seremonya ng paglilipat ang mga puno ng estado, at mga unang ginang, o mataas na opisyal ng nabanggit na mga bansang Aprikano.

 

Ipinahayag din nila ang pasasalamat sa pamahalaang Tsino.

 

Ayon naman sa mga pamahalaan at iba’t ibang sirkulo ng mga bansang Aprikano, ipinakikita ng naturang aksyon ng panig Tsino ang matayog na pagkatao at diwang pangkooperasyon.

 

Nakahanda rin anila ang panig Aprikano na palakasin ang pakikipagtulungan sa panig Tsino, para magkakasamang pagtagumpayan ang pandemiya.

 

Salin: Liu Kai
Pulido: Rhio Zablan