Xi Jinping, nagpadala ng pagbati sa Republic Day ng India; tinukoy ang India bilang mahalagang kapitbansa

Nagpadala Martes, Enero 26, 2021 ng mensahe si Pangulong Xi Jinping ng Tsina sa kanyang Indian counterpart na si Ram Nath Kovind, bilang pagbati sa Ika-72 Republic Day ng India.
 

Tinukoy ni Xi na ang Tsina at India ay mahalagang magkapitbansa. Sa harap ng pandemiya ng Coronavirus Disease 2019 (COVID-19) at pabagu-bagong kalagayan, ang pagpapanatili ng malusog at matatag na pag-unlad ng relasyong Sino-Indian ay hindi lamang angkop sa pundamental na kapakanan ng dalawang bansa at kani-kanilang mga mamamayan, kundi may mahalagang katuturan din para sa katatagan at kaunlaran ng rehiyon at buong mundo.
 

Nakahanda aniya siyang magsikap, kasama ni Pangulong Kovind, upang mapasulong ang pag-unlad ng bilateral na relasyon sa tumpak na landas.
 

Salin: Vera