Kasinungalinan ng mga kanluraning politiko tungkol sa Xinjiang, nagbabalewala sa pundamental na katotohanan

Nitong Biyernes, Pebrero 19, 2021, muling pinabulaanan ni Tagapagsalita Hua Chunying ng Ministring Panlabas ng Tsina ang kasinungalinan ng mga kanluraning politiko tungkol sa isyu ng Xinjiang.

 

Tinukoy niya na ipinipikit ng mga kaukulang personahe ng mga bansang gaya ng Kanada, Amerika, at Australya ang kanilang mata, at walang humpay na niluluto at kinakalat ang mga kasinungalinan umano’y pagsasagawa ng “genocide” at “forced labor” sa Xinjiang.

 

Aniya, ang tunay na layon nila ay panghimasukan ang mga suliraning panloob ng Tsina sa katuwirang umano’y “isyu ng karapatang pantao,” sirain ang seguridad at katatagan ng Tsina, at hadlangan ang hakbang ng pag-unlad ng Tsina.

Salin: Lito