Panda ng Tsina, idineklarang vulnerable species mula sa pagiging endangered

Ipinahayag Hulyo 7, 2021, ni Cui Shuhong, Opisyal ng Ministri ng Ekolohiya at Kapaligiran ng Tsina, mula endangered, ibinaba ang kategorya ng panganib sa lahi ng panda ng Tsina sa vulnerable.  Ang dahilan ay ang paglaki ng bilang ng naturang hayop sa mahigit 1,800.

 

Ayon kay Cui, salamat sa komprehensibong sistema ng pangangalaga sa kapaligiran, nagiging mas mabuti ang kapaligiran ng pamumuhay ng mga mailap na hayop.

 

Sa katotohanan, ipinatalastas noong Septyembre 4, 2016 ng International Union for Conservation of Nature (IUCN) ang balitang ito.

 

Sa ulat, sinabi ng IUCN na dahil sa pagsisikap ng pamahalaang Tsino, natamo ang pagbaba ng  kategorya ng nanganganib na panda.

Salin:Sarah

Pulido:Mac