KINONDENA ng National Union of Journalists of the Philippines ang kawalang tuldok sa malagim na pagpaslang sa may 58 katao sa Ampatuan, Maguindanao noong 2009. Magugunitang 32 sa mga mamamahayag ang nakasama sa mga pinaslang.
Hindi pa nakakamtan ang katarungan ng mga naulila at mga naging biktima sa pinakamatinding pagsalakay at pagpatay sa mga mamamahayag sa daigdig.
Isang symposium ang isinagawa sa Polytechnic University of the Philippines kaninang ala-una ng hapon at nagwakas sa pagsisindi ng kandila sa Mendiola Bridge pagsapit ng takip-silim.
Nanawagan sila sa Pamahalaang Aquino na kumilos upang umusad ang usapin laban sa mga akusadong napipiit ngayon.