Nakatakdang idaos sa Beiijing ang panlimang regular na pagtitipon ng mga Ministrong Panlabas mula sa CICA, Conference on Interaction and Confidence Building Measures in Asia, mula Abril 27-28, 2016.
Kaugnay nito, ipinahayag nitong Miyerkules, Abril 13, 2016 ni Ginoong Gui Congyou, namamahalang tauhan ng Departamento ng Ministring Panlabas ng Tsina sa mga Suliranin ng Europa-Asya, na ang tema ng nasabing pulong ay: "Pagpapasulong ng Seguridad sa Diyalogo." Aniya, magpapalitan ang mga kalahok ng kuru-kuro hinggil sa kasalukuyang kalagayang panseguridad at pangkaunlaran ng Asya, paglaban sa terorismo, pagpapasulong ng sibilisasyon at diyalogo, at iba pa.
Aniya, iniharap ni Pangulo Xi Jinping ng Tsina ang "Panlahat, Komprehensibo, Pangkooperasyon, at Sustenableng Ideyang Panseguridad ng Asya" sa CICA Shanghai Summit, noong Mayo, 2014.
Sa kasalukuyan, bilang isang multilateral na porum na panseguridad, binubuo ang CICA ng 26 kasaping bansang kinabibilangan ng Tsina, at mga kasaping tagamasid mula sa 12 bansa't organisasyong pandaigdig na kinabibilangan ng Pilipinas.