Nagtalumpati ngayong araw, Huwebes, ika-28 ng Abril 2016, sa Beijing si Ministrong Panlabas Wang Yi ng Tsina, sa Ika-5 Pulong ng mga Ministrong Panlabas ng Conference on Interaction and Confidence-Building Measures in Asia (CICA).
Ipinahayag ni Wang ang pag-asang ang pulong na ito ay makakatulong sa pagpapatupad ng ideya ng komon, komprehensibo at sustenableng seguridad ng Asya, at pagbuo ng pamamaraan ng pangangasiwa sa seguridad na may katangiang Asyano.
Tinukoy din niyang sa susunod na dalawang taong termino bilang bansang tagapagpasulong ng CICA, magsisikap ang Tsina, kasama ng mga iba pang kasaping bansa, para pasulungin ang rehiyonal na kooperasyong panseguridad. Ito aniya ay upang pasulungin ang kapayapaan, katatagan, kaunlaran, at kasaganaan ng Asya at buong daigdig.
Salin: Liu Kai