SINABI ni Economic Planning Secretary Dr. Emmanuel Esguerra na magpapatuloy ang paglago ng ekonomiya ng Pilipinas lalo pa't inaasahang matatamo ang 6.2% growth sa susunod na taon.
Sa kanyang talumpati sa Second Mindanao Shipping Conference sa Davao City, sinabi ni Secretary Esguerra na naniniwala ang pribadong sektor na ang real GDP growth ay magmumula sa 5.8 hanggang 6.3% sa susunod na taon.
Magaganap ito sapagkat nagkaroon ng malaking investments sa infrastructure sa paglalabs ng salapi ng halos makaikatlong ulit. Ang investments ay sa larangan ng transportasyon na umaabot sa 43% ng buong infrastructure investments mula 2013 hanggang 2016. Nagkakahalaga ito ng may P 7 trilyon.
Makakasama pa ang private investments na nagkakahalaga ng P 1.5 trilyon ayon sa katayuan ng Public-Private Partnerships hanggang ngayong Abril ng 2016.
Makatitiyak na magiging maganda ang koneksyon ng investments sa budgeting sa ilalin ng Three-year Infrastrucutre Rolling Program (TRIP).
Kasama sa isasaayos ang mga daungan sa Mindanao, ang pagkakaroon ng container yeard para sa containerized cargo at passenger terminal building. Kailangan ding mabawasan ang domestic cargo rates sapagkat mas mahal ang singil sa Mindanao kung ihahambing sa foreign cargo rates.
Ang Mindanao ay mahalaga sapagkat ito ang ginagamit para sa Zamboanga-Sandakan (Malaysia), Davao-General Santos-Bitung-Manado (Indonesia) at Zamboanga – Muara sa Brunei at Tawi-Tawi-Tarakan sa Indonesia.
