|
||||||||
|
||
NAMAHAGI na ang International Committee of the Red Cross ng pagkain sa may 29,000 kataong apektado ng El Nino sa dalawang bayan sa North Cotabato sa Central Mindanao.
Ayon sa ICRC, bukod sa matinding dagok ng mga armadong sagupaan sa pook, libong mga magsasaka ang nakararanas ng masidhing tagtuyot sa pagkatuyo ng mga sakahan.
Napakaliit ng kinita ng mga magsasaka mula sa North Cotabato samantalang ang iba ay walang inani sa pagkamatay ng kanilang mga pananim.
Ayon kay Dominic Earnshaw, pinuno ng ICRC sa Cotabato City, hirapan ang mga mamamayang makabawi sapagkat na sa malalayong pook ang kanilang mga tahanan at sakahan.
Sa pagbibigay ng pagkain sa mga apektadong pamilya, nais ng ICRC na matipid ng mga magsasaka ang kanilang mga butyl at binhi para sa darating napanahon ng pagtatanim.
Sinimulan noong Martes at magtatapos bukas ang pamamahagi ng ICRC at Philippine Red Cross sa mga pamilya ng mga maralitang magsasaka sa 15 malalayong barangay sa President Roxas at Magpet sa North Cotabato.
Ayon kay Isaias Buned, barangay chairman ng Sundungan sa President Roxas, nakaranas na sila ng tagtuyot subalit ang nagaganap ngayon ang pinakamatindi sapagkat apektado na ang kanilang kabuhayan.
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |