|
||||||||
|
||
NANINDIGAN si Kabayan Party List Congressman Harry Roque na walang mapakikinabangan ang mga mahihirap sa pagbabago ng Saligang Batas tulad ng sinasabi ng mga malalapit sa administrasyon.
Naunang binanggit ng napipintong Speaker Pantaleon Alvarez na makatutugon ang pagbabago sa Saligang Batas sa pangangailangan ng mahihirap.
Nararapat lamang na pakinabangan ng mga mamamayan ang yaman ng pamahalaan kahit ano pang uri ng pamahalaan. Ipinaliwanag ni Congressman Roque na kung ang problema ay katiwalian, ipagsumbong ang mga tiwali at sipain mula sa pamahalaan.
Sa ilalim ng panukalang pederalismo, tanging tatlong rehiyon ang mabubuhay ng maayos, ang National Capital Region, Region IV-A o CALABARZON at ang Region III na kilala sa pangalang Central Luzon. Sa ganitong situasyon, kailangang tustusan ng mga mauunlad na rehiyon ang mahihirap na bahagi ng bansa.
Sa panig ni Albay Congressman Jose Sarte Salceda, ang pagbubukas ng Saligang Batas sa pagbabago ang magdudulot ng panibagong sistema na kilala sa pangalang pederalismo na tutugon sa mga problemang pinagmumulan ng Muslim at New People's Army insurgencies.
Sa pagkakaroon ng mga pag-aaklas sa kanayunan at katiwalian, walang pumapasok na foreign direct investments at maging mga kalakal tungo sa iba't ibang rehiyon.
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |