Ayon sa ulat na inilabas kamakailan ng McKinsey Global Institute, mula noong 2000 hanggang 2017, ang China-World Exposure Index ay tumaas mula dating 0.4 sa kasalukuyang 1.2. Samantala, ayon naman sa estadistika ng World Bank, mula noong 2012 hanggang 2016, 34% ang contribution rate ng Tsina sa paglaki ng kabuhayang pandaigdig, at ang bilang na ito ay mas malaki kaysa kabuuang contribution rate ng Amerika, Unyong Europeo, at Hapon.
Ipinakikita ng mga estadistikang ito, na lumalalim ang integrasyon ng Tsina at daigdig, at sa prosesong ito, lumalakas ang papel ng Tsina sa pagpapasulong sa paglaki ng kabuhayang pandaigdig, at tumitibay naman ang kompiyansa ng daigdig sa kabuhayang Tsino.
Tatlo ang mga pangunahing elemento sa kabuhayang Tsino na nagdulot ng nabanggit na kalagayan.
Una, ang saklaw ng pamilihang pangkonsumo at bilang ng populasyong may katamtamang lebel na kita ay pinakamalaki sa buong daigdig. Samantala, mabuti ang tunguhin ng paglaki pa ng konsumo sa Tsina. Ang mga ito ay walang humpay na nagdudulot ng lakas-tagapagpasulong sa paglaki ng kabuhayang pandaigdig.
Ikalawa, ang Tsina ay siyang tanging bansa sa buong mundo na may kompletong kategorya ng industriya, at malaki ang bentahe ng supply chain ng Tsina. Dahil dito, may tiyak na umaasa sa Tsina ang halos lahat ng mga industriya ng daigdig.
Ikatlo, ang pamumuhunang panlabas ng Tsina ay gumaganap din ng mahalagang papel para sa paglaki ng kabuhayang pandaigdig. Ang Tsina ay ikalawang pinakamalaking pinanggagalingan ng Foreign Direct Investment ng daigdig, at ang pamumuhanan ng Tsina ay nagdudulot ng aktuwal na kapakinabangan sa mga bansang tumanggap ng mga ito. Sa pamamagitan nito, humihigpit ang ugnayang pangkabuhayan sa pagitan ng Tsina at daigdig.
Ang pag-unlad ng Tsina ay hindi dapat ihiwalay sa daigdig, at ang kasaganaan at katatagan ng daigdig ay nangangailangan naman ng Tsina. Sa proseso ng tuluy-tuloy na integrasyon, gumaganap ang Tsina ng palaki nang palaking papel para sa daigdig. Sa hinaharap, patuloy na isasagawa nang mabuti ng Tsina ang sariling mga suliranin, at palalakasin din ang pakikipag-ugnayan sa daigdig sa pamamagitan ng pagpapalalim ng reporma at pagpapalawak ng pagbubukas sa labas, para magbigay ng bagong ambag sa paglaki ng kabuhayang pandaigdig.
Salin: Liu Kai
