|
||||||||
|
||
melo/20130801.m4a
|
MAGAGANAP lamang ang inclusive growth sa bansa kung higit na lalawak at sisigla ang manufacturing sector. Ito ang paniniwala ni Pangalawang Pangulong Jejomar C. Binay na ibinahagi sa mga Tsinoy na mangangalakal mula sa Filipino-Chinese General Chamber of Commerce, Inc.
Magaganap lamang ito, ayon kay Ginoong Binay kung magkakaroon ng makabagong pagawaing-bayan na kailangan sa ika-21 siglo, partikular ang elektrisidad at mga sasakyan.
Sa kanyang talumpati sa pagtitipon ng mga Tsinoy na mangangalakal sa Hotel Sofitel kagabi, sinabi niyang ang investments sa physical infrastructures ay makakabawi lamang kung magkakaroon ng mga pabrika na gagawa ng mga produktong maipagbibili sa ibang bansa.
Ikinatuwa niya ang mga talakayang naganap sa nakalipas na ilang buwan na natuon sa inclusive growth.
Hinamon niya ang mga kasapi ng samahan na mag-isip kung paano matatamo ng bansa ang taguring manufacturing hub sa pandaigdigang supply chain.
© China Radio International.CRI. All Rights Reserved. 16A Shijingshan Road, Beijing, China. 100040 |