HINDI kailanman magiging matatag ang ekonomiya ng bansa kung mas maraming mamamayan ang mahihirap. Ito ang pananaw ni Pangalawang Pangulong Jejomar C. Binay sa kanyang talumpati hinging sa Philippine Development Plan 2011-2016 sa pagbubukas ng ika-39 na Philippine Business Congress kanina.
Ayon kay Ginoong Binay, ang katatagan ng ekonomiya ay nangangahulugan ng katatagan ng mga mamamayan at nangangahulugan ng pagbibigay ng lakas sa mga mamamayan upang magkaroon ng access at makinabang na rin sa paglago ng ekonomiya.
Binigyang-diin ni Pangalawang Pangulong Binay ang limang mahahalagang sandigan ng Philippine Development Plan, at ang mga ito'y ang paglaban sa katiwalian, pagbabawas ng kahirapan at pagbibigay ng poder sa mahihirap at madaling maapektuhan ng anumang krisis, madalian, malawakan at matagalang pag-unlag, makatarungan at pangmatagalang kapayapaan at paggalang sa batas at Integrity of the Environment and Climate Change Mitigation and Adaptation.
Nararapat lamang manatiling mapagbantay ang mga mamamayan laban sa anumang pagtatangkang dungisan ang pagpupunyagi ng mga kalalakiha't kababaihan sa pampubliko o pribadong sektor man. Aniya, ang bansa ay patuloy na uunlad kahit walang anumang political partisanship. Hindi rin ito magpaparusa sa mga pinaniniwalaang nagkasala ng walang paggalang sa proseso ng batas.
Kailangang matugunan at masugpo ang dalawang sanhi ng patuloy na paghihirap ng mga mamamayan tulad ng pagsusuri sa ugat ng kahirapan ng may 28% ng mga mamamayn o 26 na milyong Pilipino. Kabilang din dito ang pagwawakas sa kakulangan ng hanapbuhay sa likod ng maunlad na ekonomiya.
Wala umanong matuturan ang anumang economic upgrade kung walang sapat na makakain ang mga mamayan sa iba't ibang bahagi ng bansa. Naghihintay ng paglilingkod ang lanao del Sur, Maguindanao, Apayao, at Eastern Samar upang madama ang katapatan ng pamahalaan.
Ipinaliwanag pa niya na ang K-to-12 program ng pamahalaan ang tutugon sa job mismatch sa pagitan ng pangangailangan ng mga mangangalakal ay kakayahan ng mga nagtapos ng kanilang pag-aaral.
Ang Philippine Business for Education ay isang kasunduan ng kalakal at akademya na sumusunod sa German Dual Technology model na nagbubukas ng may 100,000 paid apprenticeship positions sa mga nakapagtapos ng kanilang high school.
1 2 3 4 5 6
