|
|
|||||||
| |
||||||||
|
||
Adopt-A-Parish, inilunsad
NAGSIMULA na ang isang palatuntunang naglalayong tumulong sa mga taga-Diocese of Borongan sa pamamagitan ng Adopt-A-Parish campaign na inilunsad kamakailan.
Ayon kay Msgr. Pedro C. Quitorio III, Media Director ng Catholic Bishops Conference of the Philippines, mayroong website na may pangalang adoptaparish.org
May 18 mga simbahan ang lubhang napinsala ng napakalakas na bagyong "Yolanda" noong nakalipas na ika-walo ng Nobyembre.
Sa mensahe ni Bishop Crispin Varquez, kailangan ng nila ng pagkain, damit, gamot at magagamit sa pagtatayo ng mga tahanan. Kailangan din nilang ayusin ang mga daang-taong mga simbahang nasira. Tampok sa website ang mga larawan ng mga napinsalang mga simbahan.
Idinagdag ni Msgr. Quitorio na mayroong icon na "Donate" at mayroong kaukulang gabay upang makatulong ang mga taga-Eastern Samar at sa pagsasaayos ng mga simbahan. Mamimili ang mga nais magdonate kung ilalaan sa immediate relief o sa pagpapagawa ng simbahan at maidadaan sa PayPal.
Ipinaliwanag ni Msgr. Quitorio na napakahirap isiping maraming nasawi at nawalan ng kamag-anak at ari-arian dahilan sa napakalakas na bagyo subalit kailangang magkaroon ng acceptance o pagtanggap at simulang humayo at bumangong muli at magsimula.
Sa mga may kakayahang tumulong, makiisa sa mga kampanya upang matulungan ang mga naging biktima ng trahedya.
| © China Radio International.CRI. All Rights Reserved. 16A Shijingshan Road, Beijing, China. 100040 |