|
||||||||
|
||
meloblog
|
MULA sa Villamor Airbase sa Pasay City, nagbabala ang mga pinuno ng Department of Social Welfare and Devleopment sa mga nakaligtas sa bagyong "Yolanda" na maging maingat laban sa illegal recruiters at human traffickers.
Sinabi ni Director Alice Bonoan ng National Capital Region na mayroong mga illegal recruiters na nangangalap ng mga biktima ng trahedyang nangangailangan ng salapi, mga menor de edad, mga naulila at walang kamag-anak na mag-aalaga sa kanila.
Si Director Bonoan ang namumuno sa processing center para sa mga internally-displaced persons na dumarating mula sa Kabisayaan.
Kasama nila ang Department of Labor and Employment at ang Inter-Agency Council Against Trafficking sa paglulunsad ng information campaign upang mabatid ng mga evacuee ang kanilang mga karapatan at mga responsibilidad at kung paano makikilala ang illegal recruiter o human trafficker.
May tanggapan na silang itinayo sa Villamor Air Base upang tumulong sa kampanya laban illegal recruiters at human traffickers.
© China Radio International.CRI. All Rights Reserved. 16A Shijingshan Road, Beijing, China. 100040 |