Hanggang ngayong hapon, umabot na sa 123 ang bilang ng mga nasawi sa insidente ng pagsabog na naganap sa lunsod ng Tianjin noong ika-12 ng buwang ito. Samantala, nawawala pa rin ang 50 na iba pa.
Ipinahayag kahapon ni Cao Xiaohong, Pangalawang Alkalde ng Tianjin, na gumaling at lumabas na sa ospital ang 151 nasugatan.
Kaugnay ng isyu ng kapaligiran, sinabi ni Deng Xiaowen, Direktor ng Sentro ng Pagmomonitor sa Kapaligiran ng Lunsod ng Tianjin, na walang natuklasang mga bagong polusyon at sa kasalukuyan, ang nabanggit na insidente ay hindi nagdulot ng polusyon sa mga tubig sa paligid ng lugar na pinangyarihan ng pagsabog.