Ang ika-4 ng buwang ito ay ika-24 araw sapul nang maganap ang pagsabog ng imbakan sa Tianjin, siyudad sa baybaying-dagat sa dakong hilga ng Tsina. Nakaimbak sa pasilidad ang mga delikadong kemikal. Hanggang alas-tres (3:00) kahapon ng hapon, 160 ang kumpirmadong namatay sa trahedya. Nakilala ang lahat ng mga nasawi. Nawawala pa rin ang 13 iba pa.
Sa kasalukuyan, inalis na ang mga nasirang kotse, container at paninda sa sentro ng pagsabog. Inilabas din ang kontaminadong tubig at lupa para isaayos.
Samantala, patuloy pa rin ang pagsusuri sa kalidad ng lupa, tubig at hangin sa Tianjin.
Noong gabi ng ika-12 ng nagdaang Agosto, dalawang malakas na pagsabog sa imbakan ng mga delikadong kemikal na kinabibilangan ng humigit-kumulang 700 toneladang sodium cyanide ang yumanig sa Tianjin.