Ayon sa panig opisyal ng Tianjin Binhai New Area, kung saan naganap ang malalakas na pagsabog ng imbakan ng mga delikadong kemikal nitong nagdaang Agosto, itatatag ang 24 hektaryang eco-park at itatayo rin ang monumento sa lugar ng pagsabog.
Ito anito ay para gunitain ang mga nagbuwis ng buhay sa trahedya.
Noong gabi ng ika-12 ng nagdaang Agosto, dalawang malakas na pagsabog sa imbakan ng mga delikadong kemikal na kinabibilangan ng humigit-kumulang 700 toneladang sodium cyanide ang yumanig sa Tianjin, port city sa dakong hilaga ng Tsina.
Hanggang alas-tres (3:00) kahapon ng hapon, 160 ang kumpirmadong namatay sa trahedya. Nakilala ang lahat ng mga nasawi. Nawawala pa rin ang 13 iba pa.
Salin: Jade