Sa kanyang pakikipag-usap sa Beijing nitong Huwebes, Abril 28, 2016 kay Ministrong Panlabas Sergei Lavrov ng Rusya, ipinahayag ni Pangulong Xi Jinping ng Tsina ang pagbati kay Pangulong Vladimir Putin, at paghihintay sa nakatakdang pagdalaw ni Putin sa Tsina, sa kasalukuyang taon. Tinukoy ni Pangulong Xi na ang taong 2016 ay hindi lamang ika-15 anibersaryo ng pagkakalagda ng "Tratado sa Mapagkaibigang Pagtutulungang Pangkapitbansa ng Tsina at Rusya," kundi ika-20 anibersaryo rin ng pagkakatatag ng estratehikong partnership ng koordinasyon ng dalawang bansa. Umaasa aniya ang Tsina na ipagpapatuloy, kasama ng Rusya ang ideya ng pagkakaibigan ng dalawang bansa sa hene-henerasyon para mapatibay ang pundasyong pampulitika at panlipunan.
Ipinaabot naman ni Sergei Lavrov ang pagbati ni Pangulong Putin kay Pangulong Xi. Sinabi ni Lavrov na nananabik si Putin na dumalaw sa Tsina. Ipinahayag ni Lavrov na nakahanda ang Rusya, kasama ng Tsina para ibayong mapalalim ang estratehikong partnership ng koordinasyon sa ibat-ibang larangan at mapahigpit ang koordinasyon sa mga suliraning panrehiyon at pandaigdig, sa balangkas ng Shanghai Cooperation Organization at United Nations.
Si Lavrov ay nasa Beijing para sa ika-5 pulong ng mga Ministrong Panlabas ng Conference on Interaction and Confidence Building Measures in Asia(CICA).
