Magkakasanib umanong ipinadala kamakailan ng mahigit isang daang American war hawks sa Tsina ang isang bukas na liham kay US President Donald Trump, kung saan, siniraang-puri nila ang Tsina kaugnay ng di-umano'y pagpapasulong ng "ekspansyonismo" at "paninirang-puri at pagtakot sa ibang bansa, sa pamamagitan ng komprehensibong kakayahang pang-estado." Talagang nakakatawa ang pananalitang ito. Ipinalalagay ng maraming kilalang personahe na kung ang Tsina ang gagawa ng liham hinggil sa Amerika, ito ay katotohanan.
Halimbawa, inihayag nila na "sa sistemang pulitikal ng Amerika, pangunahing bahagi ang pulitika habang at eksepsyon ang digmaan. Ngunit magkasalungat ito sa Tsina." Kakatuwa di ba? Ayon sa estadistika, nitong mahigit 200 taong nakalipas sapul nang maitatag ang estado noong 1776 hanggang ngayon, ginamit ng Amerika ang halos 90 poseryento ng oras nito sa giyera. Kahit sa huling taon ng termino ni dating US President Barack Obama na tinaguriang "Peace President," nagpaulan ng halos 260 libong bomba sa pitong bansa ang Amerika. Para sa Tsina, nitong 70 taong nakalipas sapul nang maitatag ang bagong Tsina, hindi pa proaktibong naglunsad ng anumang digmaan at sagupaan ang Tsina. Kaya, sino ba ang gumagawa ng "kaguluhan" sa daigdig?
Nitong ilang taong nakalipas, sa likod ng mga pangunahing krisis sa buong mundo, nakikita ang Amerika. Sa katwiran ng paglaban sa terorismo, inilunsad nito ang digmaan laban sa Afghanistan, Iraq, at Syria na ikinamatay ng napakaraming sibilyan. Ibinunsod din ng mga ito ang refugee crisis na kumakalat sa mga bansang Europeo. Makaraang umakyat sa poder ang kasalukuyang pamahalaang Amerikano, pinag-ibayo pa nito ang pagpapasulong ng unilateralismo na nagpaigting ng tensyon sa situwasyon ng Gitnang Silangan. Ginagamit ng Amerika ang malakas na poder nito bilang sandata, siyang talagang pangunahing naninira sa kapayapaang pandaigdig at pinag-uugatan ng kaguluhang pandaigdig.
Ayon sa estadistika ng Stockholm International Peace Research Institute (SIPRI), noong isang taon, lumampas sa 640 bilyong dolyares ang nagamit na military expenditure ng Amerika, na nanguna sa buong daigdig. Ipinalabas kamakailan ng Tsina ang white paper na pinamagatang "Pambansang Depensa sa Bagong Panahon" kung saan tinutukoy na "di kailanman naghahangad ng hegemonya, ekspansyon, at pagpapalakas ng sphere of influence" ang Tsina. Ito ay malinaw na katangian ng pambansang depensa ng Tsina sa bagong panahon. Halimbawa, noong 2017, 750 yuan lamang ang per capita defense expenditure ng Tsina na katumbas ng 5% lamang ng Amerika.
Salin: Lito
