Kaugnay ng pagpapatalastas ng panig Amerikano na ipapataw ang 10% karagdagang taripa sa mga inaangkat na paninda mula sa Tsina na nagkakahalaga ng halos 300 bilyong dolyares, sapilitang inilunsad kamakailan ng Tsina ang konkretong ganting-hakbangin. Ang kinakailangang ganting-hakbanging ng Tsina na itinakda batay sa kaukulang batas at alituntunin ng Tsina at simulain ng pandaigdigang batas ay humamon sa hegemonistikong kaisipan ng ilang tao sa Amerika. Sa tingin nila, kung ipapataw ng Amerika ang karagdagang taripa sa sinuman, dapat yumukod siya, sa halip ng pagganti. Ang ganitong hegemonistikong lohika na ang katangian nito'y unilateralismo at proteksyonismo ay ekstrimistikong nanghahamak at sinadyang nakakasira sa pandaigdigang batas at kaayusang pandaigdig.
Diin ng komentaryo, ang kasalukuyang lipunan ng sangkatauhan ay hindi pinangangasiwaan ng batas sa gubat. Ang multilateralismo, kooperasyon at win-win situation ay di-mahahadlangang tunguhin ng kasaysayan. Dahil dito, buong tatag na gumanti ang maraming trade partner ng Amerika sa trade war na inilunsad ng ilang Amerikano sa buong daigdig.
Dagdag ng Komentaryo, matatag at malinaw ang pakikitungo ng panig Tsino sa trade war: ayaw ng Tsina na ilunsad ang trade war, pero hindi ito natatakot na sapilitang gumanti. Nakahanda ang panig Tsino na resolbahin ang mga problema, batay sa pagkakapantay-pantay at paggagalangan, pero hinding hindi yuyukod ito sa mga mahalagang isyung pamprinsipyo, at hinding hindi yuyukod din sa anumang extreme pressure.
Salin: Vera