![]() |
|
|
||||||
![]() |
![]() |
![]() |
||
![]() |
||
![]() |
||
|
||
![]() |
||
![]() |
Pangulong Aquino, ibinalita ang kaunlarang natamo sa ekonomiya
SINABI ni Pangulong Aquino na malaki ang naitulong na stimulus program ng pamahalaan sa kaunlaran. Sa kanyang opening statements sa katatapos na Presidential Forum with the Foreign Correspondents Association of the Philippines sa Manila Hotel, binigyan niya ng diin ang 1.3% points na naiambag nito sa Gross Domestic Product growth sa 4th quarter ng 2011. Nakatulong ito sa pagpapasigla ng ekonomiya hanggang ngayon.
Noon umanong 2012 at lumago ang ekonomiya ng 6.8% at umabot sa 7.6% sa unang bahagi ng 2013. Ang pangyayaring ito ay humigit pa sa forecasts ng iba't ibang mga dalubhasa.
Ikinagalak din niya ang upgrade sa World Economic Forum Competitive Rankings at natamo ang ika-59 na puesto matapos lampasan ang may 26 na baytang sa nakalipas na tatlong taon.
Ang stimulus program umano na nagsulong ng ekonomiya ng bansa ay tinaguriang Disbursement Acceleration Program na ngayo'y pinupuna at binabatikos ng media. Nakatulong naman ang programa subalit pinununa pa rin, dagdag pa ni Pangulong Aquino.
Hindi napigilan ni Pangulong Aquino (ang pagpaparatang) na nagsimula ang lahat ng batikos laban sa DAP kasunod na pagpapaabot ng mga usapin sa Office of the Ombudsman laban sa ilang mga tanyag na mambabatas.
Sinabi ni Pangulong Aquino na walang puwang ang media na magtuon ng pansin sa mga maling isyu.
© China Radio International.CRI. All Rights Reserved. 16A Shijingshan Road, Beijing, China. 100040 |