Bagong investments, lumago ng 25%
LUMAGO ANG KALAKAL NA DUMAAN SA BOARD OF INVESTMENTS. Sinabi ni Trade Undersecretary Andrian "Che" Cristobal, Jr. na nadagdagan ang mga kalakal na nakapasa sa kanyang tanggapan mula Enero hanggang Setyembre ng 2013. (DTI File Photo)
UMABOT sa P 309.7 bilyon ang investment approvals na dumaan sa Board of Investments mula Enero hanggang Setyembre ng 2013. Kinakitaan ito ng 25% increase mula sa P 248.2 bilyon noong nakalipas na taon.
Ayon kay Trade Undersecretary Adrian "Che" Cristobal, Jr., nagmula ang karamihan ng investments sa mga mangangalakal ng Pilipino at natamo ang P 258.7 bilyon. Mayroon itong 12% increase sa P 230.5 bilyon samantalang lumago rin ang halaga ng ipinangakong foreign investments sa halagang P 51 bilyon mula sa P 17.9 bilyon noong 2012. Nagkaroon ito ng 185% increase.
Nanguna sa talaan ng mga banyagang mangangalakal ang Estados unidos na nangakong maglalagak ng P 41.7 bilyon o 82% ng buong investments mula Enero hanggang Setyembre ng 2013. Ang mga investments ay ang itatayong kalakal ng GNPower Limited sa 600 Megawatt power project sa Bataan.
Mayroon ding P 2.2 bilyong kalakal ang South Korea sa Mirae Asia Energy Corporation sa Ilocos Norte na nagkakahalaga ng P 803 milyon at ang Daesang Ricor Corporation glucose syrup project sa Cagayan de Oro City. May inilaan din ang Australia na P 1.79 bilyon. May ambag din ang Australia na P 1.79 bilyon sa pamamagitan ng Mindanao Mineral Processing and Refining Corporation sa pagpapalawak ng kanilang exports para sa paggawa ng gold bullion kasama ang iba pang metal contents sa Agusan del Sur.
1 2 3 4 5 6
