|
||||||||
|
||
Mga Vietnamese, nakiisa sa pananalangin para sa mga biktima ng lindol
NAKIISA ang mga Vietnames sa pananalangin para sa mga naging biktima ng malakas lindol noong nakalipas na linggo sa Gitnang Kabisayaan.
Ipinarating ni Arsobispo Phaolo Bui Van Doc, pangulo ng Vietnamese Bishops Conference ang mensahe ng pakikiisa sa mga taga-Bohol at Cebu ng mga Vietnamese.
Sa isang liham na ipinadala kay Cebu Archbishop Jose Palma, pangulo ng Catholic Bishops Conference of the Philippines, sinabi ni Arsobispo Doc na nakapahirap at napakasakit isipin ang pagdurusa ng mga mamamayan sa nakalipas na mga bagyo at mapaminsalang lindol na tumama sa Pilipinas kamakailan.
Sa ngalan ng mga obispong Vietnames at ng mga Katoliko sa Vietnam, ipinarating nila ang pagkabahala at pagdadalamhati sa kalagayan ng mga naging biktima.
Ikinalungkot din niya ang pagkapinsala ng mga simbahan sa Cebu at Bohol. Tiniyak ng arsobispo ang kanyang pananalangin sa tulong ni San Miguel Arkanghel na manatiling ligtas ang mga mamamayang Pilipino.
© China Radio International.CRI. All Rights Reserved. 16A Shijingshan Road, Beijing, China. 100040 |