AYON sa pinakahuling datos ng pamahalaan, umabot sa 5,200 katao ang nasawi samantalang mayroong 26,000 ang mga nasugatan. Nawalan ng tahanan ang may 3.5 milyon na kinabibilangan ng may 226,000 naninirahan sa halos 1,100 evacuation centers. May isinagawang pagsususri sa naganap na trahedya sa sa unang mga datos, talagang nangangailangan ng bansa sa larangan ng pagkain, matitirhan, pagkakaroon ng hanapbuhay at pagbabalik ng basic community services sa mga apektadong pook. Matitipon ang lahat ng datos ngayong araw na ito.
Ibinalita ng United Nations Office for the Coordination of Humanitarian Affairs na lumalawak ang pagtugon sa pangangailangan ng mga biktima subalit kailangang magkaroon ng maayos na paglilipat ng responsibilidad sapagkat naghahanda ng lumisan ang mga banyagang kawal at mga manggagamot.
Ang mga samahang lokal tulad ng mga nasa Cebu ay nagkaroon ng working group na makikipagtulungan sa international partners. Ang mga kalahok na samahan ay mas madaling nakararating sa malalayong pook kaysa sa mga banyaga.
1 2 3 4 5 6 7
