Paggasta ng pamahalaan sa pagawaing-bayan, lumago ng 33% mula sa 2012
LUMAGO ang paggasta ng pamahalaan sa mga pagawaing-bayan at capital outlay sa pagkakaroon ng 33.9% increase kung ihahambing sa performance noong 2012. Pagtalima lamang ito sa mabilisan, pangmatagalan at mas malawak na epekto sa madla ayon sa Economic Development Agenda.
Ang paggasta ay nanatili sa double-digit growth sa unang siyam na buwan ng taon at nakarating sa P 183 bilyon. Nagkaroon lamang ng P 136 bilyong gastos sa parehong panahon noong 2012. Sa pangkalahatan, lumago ang gastos ng pamahalaan sa pagtatapos ng Setyembre ay umabot sa P 1.233 trilyon. Kinakitaan ito ng improvement ng 11.8% mula sa total na P 1.223 trilyon noong 2012.
Sinabi ni Kalihim Florencio Abad ng Department of Budget and Management, patuloy na lumalago ang gastos ng pamahalaan sa mga pagawaing-bayan at capital outlay sa nakalipas na tatlong quarter ng 2013. Umaasa umano sila na liliit na ang infrastructure gaps ngayong taon.
Sa pagtatapos ng Setyembre, nakapaglabas na ang pamahalaan ng P 1.840 trilyon mula sa P 2.006 trilyong budget para sa 2013.
1 2 3 4 5 6 7
