|
||||||||
|
||
melo/20140303.m4a
|
NANINIWALA sina G. Sergio Ortiz Luis ng Philippine Chamber of Commerce and Industry and Employers Confederation of the Philippines, dating Congressman Apolinario Lozada, Jr., UP College of Law Professor Marwil Llasos na mahirap buksan ang Saligang Batas ng Pilipinas sa anumang pagsusog ng mga mambabatas sapagkat maaari itong pagmulan ng mga pagbabagong magdudulot ng term extension at maging pag-aalis ng anti-dynasty provision.
Sa idinaos na Tapatan sa Aristocrat, sinabi ng tatlong panauhin na kung wala namang problema sa Saligang Batas ng bansa ay di mangangailangan ng anumang pagbabago.
Nagkaisa sila sa paniniwalang mahirap makita ang katapatan ng mga mambabatas sapagkat nakita na umano ang kanilang pagsunod sa nais ng Palasyo Malacanang tulad ng naganap na impeachment kay Chief Justice Renato Corona.
Ani Atty. Llasos, sunod-sunuran lamang ang mga mambabatas sa panig ng administrasyon sapagkat wala namang maliwanag na pagkakaiba ang mga partido politikal sa bansa.
Sa panig ni G. Ortiz-Luis ng PCCI at ECOP, kung sakaling magkakaroon ng pagbabago sa saligang batas ay makabubuting gawin sa pamamagitan ng Constitutional Convention at hindi sa paraan ng constituent assembly.
Mas makabubuti umanong buwagin na ang Kongreso ng Pilipinas sapagkat maraming batas na naipasa subalit hindi rin lamang ipinatutupad. Kung hindi man bubuwagin ay huwag na munang magpasa ng batas sapagkat wala namang kabutihang nagawa ang mga ipinasang batas mga ilang dekada na ang nakararaan.
© China Radio International.CRI. All Rights Reserved. 16A Shijingshan Road, Beijing, China. 100040 |