|
||||||||
|
||
Kahalagahan ng pagtuturo ng pag-iimpok, kailangan sa mga paaralan
IPINAGPASALAMAT ni Bangko Sentral ng Pilipinas Governor Amando Tetangco ang pakikipagtulungan ng kanyang tanggapan sa Kagawaran ng Edukasyon sa pagtuturo ng pag-iimpok.
Sa kanyang talumpati sa pagpaparangal sa mga gurong na sa larangan ng Social Studies, Work Education at Values Education, sinabi ni G. Tetangco na itinuturo ang kahalagahan ng pag-iimpok sa Grade 1 pa lamang sapagkat tumataas ang bilang ng hindi na nagpapatuloy ng pag-aaral pagsapit sa Grade 4 sapagkat inaakala ng mga magulang na maaari nang maghanapbuhay ang mga batang ito.
Sa bawat 100 mga nagtatapos ng elementarya, 50 na lamang ang nagpapatuloy sa high school kaya't ang pag-iimpok at tinaguriang "money management" at pagkakalakal ay nararapat lamang ituro sa kanila samantalang nasa paaralan pa sila.
Ang mga nagwaging guro ay gumawa ng iba't ibang paraan upang makarating ang mensahe sa kanilang mga mag-aaral. Ang mga guro ang nagwagi sa katatapos na Guro ng Pag-Asa, isang patimpalak sa lahat ng mga tumutulong sa pagtuturo ng pag-iimpok.
Sa kanyang talumpati, sinabi ni BSP Governor Tetangco na 20% lamang ng mga pamilya sa buong bansa ang mayroong inimpok na salapi sa bangko samantalang isang survey na ginawa ng Philippine Deposit Insurance Corporation ang nagsabing 60% ng mga savings accounts sa bansa ay mayroong lamang mula P 5,000 pababa. Isang malaking hamon para sa kanila na maitaas ang bilang ng may may naiimpok at maitaas ang halagang nailalagak sa bangko.
© China Radio International.CRI. All Rights Reserved. 16A Shijingshan Road, Beijing, China. 100040 |