|
||||||||
|
||
Kahirapan, larawan ng kapabayaan
SA pagsisimula ng Kuwaresma, ang 40-araw na paggunita sa pagpapakasakit ng Panginoong Hesukristo, pagkamatay at pagkabuhay na muli, na magsisimula sa Miyerkoles ng Abo, nanawagan ang Catholic Bishops Conference of the Philippines sa Taon ng mga Layko, na pagnilayan ang kahirapan, partikular ang mga uring taliwas sa itinuturo ng Simbahan.
Sa kanilang Lenten Message na inilabas ngayon, sinabi ng mga obispo na maraming uri ng kahirapan, ang nagbabawas ng pagkatao ng tao na nararapat iwaksi at labanan. May tatlong bahagi ng kahirapan tulad ng kasalatan sa pangangailangan, kakulangan ng moralidad at kakulangan sa larangan ng usaping ispiritual.
Nararapat lamang maging mulat ang mga mamamayan sa mga nagaganap sa kanyang kapaligiran at handang tumulong sa mga nangangailangan.
Tradisyon sa Pilipinas ang pagdiriwang ng Kuwaresma mula sa Miyerkoles ng abo hanggang sa Pasko ng Pagkabuhay. Tumatagal ang paggunitang ito ng 40 araw na katatampukan ng mga panalangin, pagsasagawa ng Istasyon ng Krus, pangingilin at pag-aayuno at pagbabahagi ng limos sa mga aba at nangangailangan.
© China Radio International.CRI. All Rights Reserved. 16A Shijingshan Road, Beijing, China. 100040 |