Malacanang: ipagpatuloy ang imbestigasyon sa pork barrel
NANINIWALA ng Malacanang na magpapatuloy ang imbestigasyon sa lahat ng mga nasangkot sa pork barrel scam kahit pa lumampas ng 2016.
Sa isang press briefing, sinabi ni Presidential Spokesman Edwin Lacierda na umaasa siyang magpapatuloy ang paglilitis sa mga sangkot sa pork barrel scam kahit pa bumaba na sa kanyang tanggapan si Pangulong Aquino sa darating na Hunyo 30, 2016.
Kahit pa umano lumisan si Pangulong Aquino sa pamunuan ng bansa, nararapat lamang umikot ang gulong ng katarungan sa bansa.
Ipinaliwanag niyang ito ang dahilan kaya't nais ni Pangulong Aquino na magpatuloy ang reporma sa hudikatura upang mapanagot ang nararapat managot.
Sa pagkakaroon ng judicial reform, umaasa si Kalihim Lacierda, mapapabilis na ang proseso sa pamamagitan ng malalakas na usapin upang makarating sa mga hukuman.
Idinagdag pa ni Kalihim Lacierda na nararapat ang pagsasama-sama at pagtatangkang mapaglingkuran ang madla mula sa Department of Justice, sa Office of the Ombudsman hanggang sa makarating ang usapin sa Sandiganbayan.
1 2 3 4 5 6
