|
||||||||
|
||
PTNT/20140512.m4a
|
Si Leste Chen ang director ng The Great Hypnotist. Ang mga bida sa pelikula ay sina Xu Zheng na gumanap bilang Dr. Xu Ruining at si Karen Mok na ginampanan ang papel na Ren Xiaoyan. Ang mystery thriller na ito ay tungkol sa isang napakasikat na hypnotherapist at isang misteryosong pasyente na lumapit sa kanya para magpagamot.
Ang The Great Hypnotist ay ikalawang commercial film ng Taiwanese director na si Leste Chen. Last year ginawa ni Leste Chen romantic comedy hit na Say Yes.
Unang ipinalabas ang pelikula sa katatapos lang na Beijing International Film Festival bilang closing film. At ang susunod na festival na pagtatanghalan nito ay ang Cannes Film Festival.
Ang The Great Hypnotist ay kasalukuyang ipinalalabas sa mga sinehan sa Tsina. At malakas ang kita nito dahil sa unang linggo, umabot na sa $25 million ang ticket sales ng pelikula. Si Leste Chen at si Ren Peng ang screenwriters ng pelikula.
Itinuturing ng mga kritiko na ang The Great Hypnotist bilang isang breakthrough film mula sa Tsina at may potential na tangkilikin sa ibang bansa. Ayon sa kanila ang pelikula ay nagpapakita ng patuloy na pagbabago ng Chinese cinema sa pamamagitan ng pagsasama ng mga elemento tulad ng commercial genre, malaking budget, mahusay na production values at siyempre ang nakaeenganyong kwento.
At ang lahat ng ito ay binuo sa pamamagitan ng nakakamanghang visuals at maraming mga artistic highlights. Kaya ito ay tatangkilikin at magugustuhan ng mga manonood saan mang bahagi ng mundo.
Sino nga ba ang great hypnotist sa pelikula? Alamin mula sa movie buddies na sina Mac at Andrea sa programang Pelikulang Tsino Nood Tayo.
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |