Mga inangkat, lumago ng 9.6% noong Marso
IBINALITA ng National Economic and Development Authority na lumago ang merchandise exports ng may 9.6% at umabot sa US$ 5.4 bilyon noong Marso mula sa US$ 5 bilyon noong Marso ng 2013.
Sa pahayag na inilabas ngayon, sinabi ni Kalihim Arsenio M. Balisacan, ang socio-economic planning secretary at director-general ng NEDA, naganap ang paglago dahilan sa may mahal na raw materials, intermediate goods, mineral fuels at lubricants, kabilang na rin ang consumer goods.
Patuloy na tumaas ang merchandise imports sa nakalipas na tatlong buwan at umabot sa 12.0% noong Marso, 2014. Naibalik din ang pagliit nito ng 7.8% noong nakalipas na Marso noong 2013.
Ang kabuuhang kabayaran sa raw materials at intermediate goods ay lumago ng 8.1% at nakarating sa US$ 2.1 bilyon noong Marso ng taong ito mula sa US$ 1.9 bilyon noong 2013.
Idinagdag pa ni Kalihim Balisacan na kabilang sa semi-processed raw inputs, mas mataas na imports ng mga ginagamit at accessories para sa paggawa ng electrical equipment ang naging dahilan ng taunang paglago na nagpapakita ng magandang magaganap sa Philippine electronics exports.
Ayon sa pinakahuling Business Expectations Survey ng Bangko Sentral ng Pilipinas, ang positibong pangyayaring ito ay kinakitaan ng mas magandang pananaw ng mga mangangalakal sa kanilang mga sariling operasyon sa ikalawang quarter ng taon.
Tsina pa rin ang nangungunang pinagkukunan ng mga inaangkat ng Pilipinas sa pagkakaroon ng paglago sa 15.2% na bahagi nito na nagkakahalaga ng US$ 825.5 milyon. Pangalawa naman na ng Republic of Korea na may 12.0% share. Ang Singapore ay mayroong 7.9%, Estados Unidos ng America ay mayroong 7.7%, Japan 7.4%, Taiwan, 6.4%, France 5.6%, Thailand 4.7%, Indonesia, 4.7% at Saudi Arabia 4.2%.
Sa loob ng ASEAN, umabot sa 22.4% ng Philippine merchandise imports noong Marso 2014 na nagkakahalaga ng US$ 1.2 bilyon ng imported goods samantalang ang European Union ay nagsupply ng mga kagamitan na nagkakahalaga ng US$ 712.8 milyon o 13.1% ng kalahatang import requirements ng bansa noong Marso.
Sinundan ng Pilipinas ang Vietnam at Singapore bilang top import growth performers sa mga trade-oriented economies ng Silangan at Timog Silangang Asia. Nangunguna pa rin ang Vietnam sa pagkakaroon ng 13.7% growth sa paglipas ng mga taon samantalang pumangalawa ang Singapore ng mayroong 13.4% annual gain.
1 2 3 4 5 6 7
