King Prawns Fried in Shells

Mga Sangkap

500 gramo ng malaking sariwang prawns (hindi pa natatanggal ang ulo at shell)

2 spring onions o sibuyas na mura (binuhul-buhol ang dahon)

1/2 kutsarita ng ginger juice

2 kutsarita ng light soya sauce

1 kutsarita ng thick black soya sauce

1/4 na kutsarita ng sesame oil

1 kutsarita ng Chinese rice wine o dry sherry

2 kutsarita ng asukal

2 kutsara ng lard o cooking oil

1/2 na tasa ng tubig

1 pirot ng asin

1 pirot ng vetsin

1 sariwang red chilli (ginayat)

sariwang dahon ng coriander

Paraan ng Pagluluto

Hugasan at patuyuin ang prawns. Putulan iyong mahahabang buhok o technically antennae pero huwag gagalawin ang ulo at shell. Kasama ng spring onion, ibabad ang prawns sa ginger juice, soya sauce, sesame oil, wine at asukal sa loob ng humigit-kumulang 30 minuto.

Initin ang lard o cooking oil sa kawali. Hanguin at patuluin ang prawns pero huwag itatapon ang pinagbabaran tapos igisa sa lard sa loob ng 3 minuto. Tuluy-tuluyin ang paghalo. Pagkaraan, ilagay ang tubig at isunod ang likidong pinagbabara, ang asin at ang vetsin at ilaga sa loob ng 2 hanggang 3 minuto. Pagkalaga, puwede nang i-serve. Ilagay sa ibabaw ang coriander leavez at ginayat na chilli bilang palamuti o garnish bago i-serve.