Binuksan kahapon, Martes, ika-12 ng Disyembre 2017, sa Jinghong, lalawigang Yunnan sa timog kanluran ng Tsina, ang 2017 kapistahang pangkultura at pansining ng mga bansa sa Lancang-Mekong River.

Kalahok sa seremonya ng pagbubukas na idinaos kagabi, ang mga artista mula sa 6 na bansa sa kahabaan ng naturang ilog, na kinabibilangan ng Tsina, Laos, Kambodya, Biyetnam, Thailand, at Myanmar. Itinanghal nila ang mga palabas na nagpapakita ng makukulay na kultura at sining ng kani-kanilang bansa.

Tatagal ng 3 araw ang kasalukuyang kapistahan. Idaraos din ang mga aktbidad ng pagpapalitang pangkultura at pansining, na gaya ng audio-video presentation, art show, ethnic fashion show, pagtatanghal ng mga katutubong kaugalian, at iba pa.

Salin: Liu Kai