Posisyon ng Rusya at Tsina sa mga mahalagang isyung pandaigdig, magkapareho — Sergei Lavrov

Idinaos sa Moscow nitong Biyernes, Enero 17, 2020 ni Sergei Lavrov, pansamantalang Ministrong Panlabas ng Rusya, ang taunang preskon para lagumin ang natamong bungang diplomatiko ng Rusya noong 2019 at sagutin ang mga tanong ng mamamahayag.

Ipinagdiinan ni Lavrov na noong isang taon, ibayo pang napataas ang komprehensibo't estratehikong partnership ng Rusya at Tsina. Aniya, sa mga mahalagang isyung pandaigdig, magkapareho ang posisyon ng Rusya at Tsina.

Makaraang magbitiw ang lahat ng opisyal ng pamahalaang Ruso nitong Miyerkules, Enero 15, nanungkulan si Lavrov bilang pansamantalang Ministrong Panlabas ng bansa.

Salin: Li Feng