Ikalawang batch ng bakuna kontra COVID-19 na ipinagkaloob ng Tsina, dumating ng Morocco

Dumating, Pebrero 16, 2021, sa Pandaigdigang Paliparan ng Casablanca Mohammed V, Kaharian ng Morocco ang ikalawang batch na bakuna kontra Corona Virus Disease 2019 (COVID-19) na ipinagkaloob ng Tsina.  

Matapos suriin ang mga bakuna sa paliparan, ibabahagi ang mga ito sa iba’t ibang lugar ng bansa.

 

Nauna rito, tinanggap ng Morocco ang unang batch na bakuna ng Sinopharm ng Tsina noong Enero 27.

 

Sa kasalukuyan, dalawang uri ng bakuna ang aprubado ng Morocco: isa mula sa Sinopharm ng Tsina at ang isa pa ay AstraZeneca ng Britanya.

 

Salin:Sarah