Tsina at Daigdig sa 2021 Spring Festival Gala: kanta, “Mas mabuting bukas”

Inawit ni Jackie Chan sa katatapos na 2021 Spring Festival Gala ang kantang “Mas mabuting bukas.”

 

Dala ng kantang ito ang kompiyansa ng tagumpay sa harap ng mga kahirapan, at pag-asa sa mas magandang kinabukasan.

 

Noong 2020, nagkaisa at nagsikap ang mga mamamayang Tsino upang mapagtagumpayan ang laban sa Corona Virus Disease 2019 (COVID-19), at makahulagpos sa karalitaan.

 

Tulad ng sinabi ni Pangulong Xi Jinping ng Tsina, sa harap ng napakalaking hamon, kinakailangan ang pagkakaisa at koordinasyon ng iba’t ibang bansa ng daigdig.

 

Ang kantang “Mas mabuting bukas”ay hindi lamang pagbati sa mga mamamayang Tsino, kundi pagbati rin sa buong sangkatauhan.

 

Patuloy na lumalakas ang relasyon ng iba’t ibang bansa sa modernong daigdig, at dapat tayong magkaisa para lumikha ng mas mabuting bukas ng buong mundo.

Salin:Sarah