Malawakang kilos-protesta laban sa diskriminasyong panlahi at pagkamuhi sa mga Asyano, ginanap sa New York

Mahigit 10 libong katao ang nagprotesta nitong Linggo, Abril 4, 2021 para hilingan sa pamahalaang Amerikano na bigyang-dagok ang mga krimen sa diskriminasyong panlahi na nakakatuon sa mga Asyano.

Hinimok din nila ang mga Asian-American na magkaisa para ipagtanggol ang kanilang sariling karapatan at kapakanan.

Sapul nang pumutok ang pandemiya ng Corona Virus Disease 2019 (COVID-19) sa Amerika, walang humpay na lumalala ang krimen kaugnay ng diskriminasyong panlahi at nakatuon sa mga Asian-American.

Nito lamang ilang linggong nakalipas, naganap sa New York City ang maraming marahas na krimeng nakatuon sa mga Asian-American.

 

Hanggang sa kasalukuyan, halos 2 libong boluntaryo ang kalahok sa asosyasyon ng “ligtas na paglalakad” sa New York City upang proteksyunan ang paglabas sa bahay ng mga Asian.

Salin: Lito
Pulido: Rhio