Pormal na naisaoperasyon kamakailan sa isang bus station sa lunsod Linfen, lalawigang Shanxi ng Tsina, ang unang pangkat ng magaganda at intelihenteng panda bus.
Dahil dito, ang Linfen ay naging isa sa mga unang lunsod ng Shanxi kung saan inilunsad ang panda bus.
Ayon sa isang trabahante sa kompanya ng bus, kumpleto ang pungsyon ng mga panda bus, nagtataglay ng modernong teknolohiya at intelihente.
Ang mga panda bus ay klasipikado bilang e-bus, kaya naman, ang mga ito ay may mababang bakas ng karbon, at marahan sa kapaligiran.
Ayon sa nagawang pangako ng Tsina sa larangan ng klima, mahigpit na lilimitahan ang paggamit ng karbon, at isasakatuparan ang peak carbon emissions sa taong 2030 at carbon neutrality sa taong 2060.
Bukod diyan, ang mga ito ay mayroon ding face recognition system.
Sa pagsakay sa panda bus, maaaring gamitin ng mga pasahero ang mga e-payment na platapormang tulad ng Wechat at Alipay para sa pagbabayad ng pasahe.
Dahil dito, napakakombinyente ng pagsakay sa mga ito.
Ilan pa sa mga taglay na kakayahan ng panda bus ay ang pagkakaroon ng mga basurahan, upang panatilihing malinis ang kapaligiran; automatic detection system para sa mga delikado at nakakalasong kemikal; at espesyal na lugar para sa mga matatanda, estudyante sa elementarya, at mga may-kapansanan.
Salin: Lito
Pulido: Rhio