Music video na "A Musical Toast to 2022" ng CGTN, wagi sa 2022 New York Festivals TV and Film Awards

Nakamit ng music video na pinamagatang “A Musical Toast to 2022” ng China Media Group – China Global Television Network (CMG-CGTN) ang ginintuang gantimpala sa kategoryang Performing Arts Special ng 2022 New York Festivals TV and Film Awards, Martes, Abril 26, 2022.

Bukod dito, napagwagian din ng CMG – CGTN ang dalawang pilak at tatlong tanso sa iba pang kategorya.

Sa nasabing music video, nagtipun-tipon ang mga musikero mula sa 8 bansa sa daigdig, para ipaabot ang kani-kanilang bating pambagong taon sa mga manonood sa buong mundo, sa pamamagitan ng magkakasamang pagtatanghal ng bahagi ng Chinese sonata na Festival Overture.

Salin: Vera

Pulido: Rhio