Kooperasyon ng Tsina at mga bansang Gitnang Silangang Europeo, isusulong pa

Sa pamamagitan ng video link, bumigkas ng talumpati Disyembre 16, 2022 si Wang Yi, Kasangguni ng Estado at Ministrong Panlabas ng Tsina sa Ika-17 China and Central and Eastern European Countries (CEEC) National Coordinators' Meetings.

Binalik-tanaw ni Wang ang kooperasyong Sino-CEEC nitong 10 taong nakalipas. Diin niya, may malalim na ugnayang historikal, pagkokomplemento ng bentahe ng pag-unlad, malakas na pangangailangan ng kooperasyon, at komong mithiin ng pag-ahon ang Tsina at CEEC. Ang kapwa panig aniya ay likas na magkatuwang.

Ayon sa pagkakasundo sa China-CEEC Beijing Summit na ginanap noong 2021, dapat pasulungin ng kapwa panig ang kanilang kooperasyon tungo sa mas matibay, koordinado, bukas, at kapaki-pakinabang na direksyon, ani Wang.

Kaugnay ng pagpapalalim ng ganitong kooperasyon, iniharap ni Wang ang 4 na mungkahi: una, dapat igiit ang pagkakaisa at pagkakaibigan; ikalawa, dapat igiit ang komon at balanseng kaunlaran; ikatlo, dapat igiit ang pagbubukas at pagkakaroon ng win-win result; ikaapat, dapat maging pragmatiko ang kooperasyon at kapaki-pakinabang sa kapwa panig.

Salin: Ernest

Pulido: Jade