Pagbati para sa Bagong Taong Tsino, inihayag ni Xi Jinping sa mga mamamayan

Sa pamamagitan ng video, ipinahayag ngayong araw, Enero 19, 2023 ni Pangulong Xi Jinping ng Tsina ang pagbati para sa Pestibal ng Tagsibol o Bagong Taong Tsino, pinakamahalagang kapistahan ng Tsina, sa mga mamamayang Tsino sa iba’t-ibang sektor ng lipunan.

Sa kanyang pakikipag-usap sa mga tauhang medikal sa lalawigang Heilongjiang, nalaman ni Xi ang kalagayan ng pagbibigay-lunas sa mga maysakit ng Corona Virus Disease 2019 (COVID-19), reserba ng mga gamot at paggaling ng mga may-sakit matapos i-optimisa ng bansa ang mga hakbangin laban sa COVID-19.

Sa kanya namang pakikipag-usap sa matatanda sa lalawigang Fujian, nalaman din ni Xi ang kalagayan ng kalusugan, at pang-araw-araw na pamumuhay ng matatanda.

Bukod dito, nakipag-usap din si Xi sa mga trabahante, nagtitinda, at manggagawa sa nakakababang unit ng pamahalaan sa iba’t-ibang lugar ng bansa upang ipaabot ang pangungumusta at pagbati.

Salin: Ernest

Pulido: Rhio