Mensahe ng pakikiramay kaugnay ng lindol, ipinadala ni Xi Jinping sa Turkiye at Syria

Magkahiwalay na nagpadala ng mensahe, Lunes, Pebrero 6, 2023, si Pangulong Xi Jinping ng Tsina kay Pangulong Recep Tayyip Erdogan ng Turkiye at Pangulong Bashar al-Assad ng Syria bilang pakikiramay sa malakas na lindol na naganap sa dalawang bansa.

Sa ngalan ng Pamahalaan at mga mamamayang Tsino, ipinahayag ni Xi ang taos-pusong pakikidalamhati sa mga biktima at pakikiramay sa mga nasugatan at kanilang mga kamag-anakan.

Ani Xi, naniniwala siyang sa pamumuno ng kani-kanilang pangulo, siguradong mapagtatagumpayan ng mga pamahalaan at mamamayan ng Turkiye at Syria ang epekto ng kalamidad, at muling maitatayo ang kanilang mga komunidad.

Salin: Ernest

Pulido: Rhio