Pagdiriwang ng Filipino Food Month, naging pestibal at nag-alok ng masasarap na pagkain

Nagbigay ng talumpati si Embahador Jaime A. FlorCruz

Nagbigay ng talumpati si Dr. Erwin F. Balane

Kamakailan, Abril 29, 2023, Sabado, ipinagdiwang ang Filipino Food Month sa Pasuguan ng Embahada ng Pilipinas sa Beijing, na inorganisa ng Philippine Department of Tourism, Beijing, katuwang ang Travel & Leisure Magazine sa Tsina.

Mga mga bisitang Tsino na nakasuot ng Hanfu, tradisyonal na kasuotang Tsino

Jiashan, Tsinong nakasuot ng Filipiniana, tradisyonal na kasuotang Pilipino

Ang pagdiriwang ng Filipino Food Month ay mistulang naging karnibal sa dami ng masasarap na pagkaing Pilipino, naging pista dahil sa makukulay na MassKara, at pagbabahagi ng mga angking galing at talento pagdating sa iba’t ibang larangan, na dinaluhan ng maraming Pilipino, Tsino at dayuhan mula sa iba’t ibang panig ng Tsina.

 Nag-aalok ng mga masasarap na kakanin at matatamis

Nag-aalok ng sisig si Chef Aris Mendoza sa mga dalagang Tsino

Kinukunan ng letrato ng mga bisita ang lechon

Iba’t ibang klaseng masasarap na pagkain ang inihain sa mga dumalaw na bisita gaya na lamang ng pansit, inihaw na karne, sisig, lechon, adobo at iba pa. Hindi rin nawala ang mga desert tulad ng sapin-sapin, biko, leche flan, at halo-halo.

Mga produktong pagkain ng Liwayway Marketing Corporation

Madalas na hinahanda ang inuming San Miguel Beer kapag may handaan

Pati na rin ang mga masasarap na chitchirya at ang paboritong inumin ng mga Pilipino tuwing may pagdiriwang, ang San Miguel Beer.

Booth ng DOLE Philippine Fruit Festival

Ana Abejuela, Agriculture Counsellor (kanan), kasama sila Zun at kanyang asawa

Sa pamumuno naman ni Ana Abejuela, Agriculture Counsellor, ibinida nya ang mga produktong prutas gaya ng saging, pinya, durian at iba pa. Ayon sa kanya, sa unang shipment mula Davao noong nakaraang Abril, nagkaroon ito ng fantastic response at nagustuhan din ito ng mga bumisita sa naturang pestibal.

Mga Pilipinong iskolar na nagtatanghal ng Pista ng MassKara

Nakasuot ng MassKara at nagtatanghal

Nagbibigay-aliw sa mga batang manonood

Nakasuot ng MassKara at nagtatanghal

Bumida ang mga Pilipinong iskolar na sina Kristine Venesse Anunsawon, Joerhim Feliz L. Silvestre, Welmar T. Arangues, Ramela G. Ledesma mula Beijing Institute of Technology (BIT), Ralph P. Baybado mula Beijing Jiaotong University (BJTU), at Karen C. Quinquero mula Beijing Language and Culture University (BLCU), sa iba’t ibang klase ng pagsasayaw.

Nagtuturo ng self-defense si Rhio Zablan

Nagsasagawa ng face painting si Jensen Moreno

Nagpakitang gilas sila sa pamamagitan ng pagtatanggal ng Pista ng MassKara, na isang taunang pagdiriwang na ginaganap tuwing ika-4 na Linggo ng Oktubre sa Bacolod. Pinakita rin nila ang iba’t ibang klase ng modern at tradisyonal na sayaw.

Samantala, ibinida naman ni Rhio Zablan at ang kanyang grupo ang Filipino martial arts na Arnis o Eskrima kung saan sila ay nagtanghal at nagturo ng tamang self-defense, at umani ito ng papuri mula sa publiko.

Hindi rin nawala sa pagdiriwang ang pagbabahagi ng galing at talento sa pagpinta ng Filipino artist na si Jensen Moreno, kung saan naka-display ang kanyang mga obra sa iba’t ibang sulok ng embahada at nag-organisa rin sya ng face painting para sa mga bata.

Artikulo/Larawan: Ramil Santos

Web Editor: Lito